Este mes de abril imos ter novas convocatorias do Mercado Eco-lóxico de Boiro, organizado polo Concello en colaboración co Foro Ecolóxico de Boiro, achegando o seu apoio en materia de información e dinamización. Celebraranse como de costume o segundo e cuarto sábado de mes, ou sexa, estes sábados 8 e 22 de abril na praza do Centro Social de Boiro de 10:00 a 14:00 horas.
Nos postos participantes poden atoparse produtos frescos de horta local e de tempada, alimentación, artesanía, e artesanía de reciclaxe.
O Mercado Eco-lóxico de Boiro desenvólvese co obxectivo de “potenciar o mercado de produtos ecolóxicos e de proximidade co obxectivo de establecer sinerxías entre este sector e os demais establecementos de hostalaría e comercio do municipio”.
