Ao abeiro da formación universitaria para persoas maiores de 50 anos que organiza a Universidade de Santiago nos nosos concellos (o ciclo Camiños de Coñecemento e Experiencia), o concello de Porto do Son vai acoller esta semana dúas importantes actividades de divulgación: dúas citas que van xirar tematicamente arredor do sono e das metodoloxías que podemos poñer en práctica para garantir un máis axeitado descanso e, en consecuencia, unha mellor calidade de vida.
Desenvolveranse no Centro de Interpretación do Castro de Baroña, na vila sonense.
Abril
-Día 3 | 17:00h – 18:30h
Seminario: O sono e os seus trastornos
Imparte Mónica Antelo Martelo, doutora en Psicoloxía. Profesora colaboradora do Programa Universitario de Maiores, IV Ciclo da USC
-Día 4 | 17:00h – 18:30h
Sesión práctica: Técnicas para conciliar o sono
Mónica Antelo Martelo, Dra. en Psicoloxía. Profesora colaboradora do Programa Universitario de Maiores, IV Ciclo da USC
