O espectáculo Facendo o Indio, unha función de teatro para público infantil e familiar, chega este venres 31 de marzo a Boiro. Será ás 20.00 horas na Casa da Cultura de Boiro.
Este espectáculo conta os costumes ancestrais, a forma de vida dos indios americanos e os coñecementos adquiridos tras xeracións. Trátase un repaso á cultura das tribos de indios americanos, na que a tribo dos “pesgrandes” tenta non extinguirse e loitar contra o seu peor inimigo: eles mesmos!
Galitoon reivindica con Facendo o Indio a súa particular visión do teatro de humor xestual, con esta divertida proposta chea de música, situacións absurdas, interacción directa co público.
