A Casa da Cultura e Xuventude Raquel Fernández Soler da Pobra do Caramiñal será escenario o xoves 5, ás 20.00 horas, da inauguración da exposición AMOR.FA, de Antía Brey. Esta mostra de pintura e colaxe Art Brut -con influencias de Pollock, Jean Dubuffet e Rothko- atópase integrada por pezas realizadas mediante estímulos cromáticos ou cando a destrución se converte en forma de creación, constituíndo cores e xeometría.
Antía Brey formouse no Artisan Lounge de Miami, en Leith School of Art en Edimburgo, no Mart de Rovereto (Italia), no Keller da Tabacalera de Madrid e no Círculo de Bellas Artes.
Así mesmo, traballou no Museo do Prado e no Centro de Artes de Vanguardia La Neomudéjar, ademais de estar graduada en Traballo Social.
