O pobrense Auditorio do Museo Valle-Inclán acolleu na tarde do sábado 30 a presentación de O meu bisavó, un relato breve inspirado na Galicia campesiña, editado en galego e ilustrado. Esta edición contou co patrocinio da Secretaría Xeral de Política Lingüística.
O acto contou coa presencia de Antonio González Millán, coordinador e director do Museo; Rocío Viéitez Ferro, tradutora; Héitor Picallo, ilustrador; Martiño Picallo, deseñador; Xosé Lois Piñeiro, alcalde da Pobra; e Ovidio Rodeiro, delegado territorial da Xunta na Coruña.
Ovidio Rodeiro destacou que grazas ao esforzo de todo o equipo implicado neste proxecto, “logrouse definir un produto editorial de gran calidade, respectuoso co texto orixinal levado á versión galega, moi visual polas súas imaxes icónicas e cun deseño moi refinado.”
Así mesmo, o representante do Goberno autonómico informou que tras o éxito desta edición “a satisfacción de todo o equipo levounos a plantexar a creación dunha colección de relatos vallinclaniamos levados ao galego, da que este libro será o seu primeiro volume.”
Esta actividade enmarcouse na programación da vixésimo primeira edición das xornadas de homenaxe a Valle-Inclán.
