A axente Lucía Couto Fernández vén de ser nomeada oficial da Policía Local do Concello de Ribeira en calidade de funcionaria en prácticas, o que a erixe como a primeira muller que ostenta un “mando” nos corpos de policía local da comarca do Barbanza.
Este nomeamento comezou a surtir efectos o pasado venres (así saíu publicado onte no BOP), día no que se incorporou á Academia Galega de Seguridade Pública (AGASP), con sede na Estrada, para proceder a realizar o preceptivo curso selectivo de formación, de conformidade co artigo 56.1 do Decreto 15/2023, do 12 de xaneiro, polo que se desenvolve a Lei 4/2007, do 20 de abril, de coordinación de policías locais.
