Máis de 60 profesionais da cociña do noso municipio participaron esta tarde no acto de homenaxe ofrecido polo Concello de Ribeira con motivo do Día Internacional da Muller: un acto que estivo presidido polo alcalde Manuel Ruiz e que contou tamén coas intervencións de Ana Barreiro, concelleira de Servizos Sociais e Igualdade; e de Lucía Freitas, a coñecida chef dos restaurantes A Tafona e Lume, con dous soles Repsol e unha estrela Michelín.
O evento tivo lugar nun abarrotado salón de plenos e foi introducido polas novas pianistas Xulia Rivas e Andrea Arevalillo coa peza “Colors of the wind”. Acto seguido, a concelleira de Servizos Sociais compartiu algúns reveladores datos como que o 55% das persoas que traballan nas cociñas dos restaurantes son mulleres, pero que estas representan tan só o 9,2% das estrelas Michelín.
Falou palabra a continuación Lucía Freitas, quen ademais de explicar a súa vinculación co noso muncipio (veraneou de nena en sitios como Corrubedo ou Palmeira e pronto será veciña de Castiñeiras), loou a rula de Ribeira como a mellor de Galicia pola calidade dos seus produtos. Ademais, describiu como foi evolucionou profesional da restauración ata chegar a alta cociña (“só se chega se mamaches antes a cociña tradicional”, dixo) e introduciu un pequeno vídeo co que quixo describir como é a realidade do día a día dun restaurante.
Lucía Freitas tamén falou do seu proxecto “Amas da terra”, destinado a empoderar ás mulleres vinculadas coa gastronomía en Galicia e que está impulsar aquí logo de ser partícipe doutra iniciativa en Xapón denominado WIG (Women in Gastronomy).
A continuación tivo lugar o acto de entrega de diplomas e uns agasallos (un obsequio de Sargadelos e outro elaborado pola especialidade de redes do obradoiro de emprego Tahume VIII) ás cociñeiras presentes e para continuar e pechar a rolda de intervencións co encontro tomou a palabra o alcalde Manuel Ruiz, quen significou neste 8-M que, a pesar do moitísimo que se ten avanzado, as mulleres teñen moitas cousas que facer e seguir reivindicando. Tamén salientou o importante do traballo das profesionais da hostalería e a restauración para poñer en valor os produtos do mar, fonte de riqueza para este Concello.
O acto finalizou cunha foto de familia nas escalinata do hall do Consistorio e a degustación dunhas galletiñas elaboradas pola especialidade de cociña do citado Tahume VIII.
Por outra parte, hai que recordar que dende as 20.30 horas está tendo lugar no Auditorio a función “Papagena”. Trátase dunha ópera contemporánea de Iago Hermo en clave de igualdade con participación da soprana Esperanza Mara que forma parte tamén dos actos conmemorativos do 8-M.
