O Concello de Boiro compartiu a súa axenda de actividades para conmemorar este mércores 8 de marzo, o Día da Muller. Entre as accións programadas están un roteiro da memoria por Cimadevila e a lectura dun manifesto colectivo.
Ás 11.00 horas sairase da praza de Galicia para realizar un paseo polo barrio de Cimadevila e, a través do mural titulado Senlleiras de Cimadevila, lembrarase a memoria de Isabel Maestre, Lola a da Cueva, Ermitas do Sindicato, Carmen de Adolcar e Maruja de Fontán, cinco mulleres con historias particulares e comúns (todas elas adicáronse a traballar no sector téxtil) que as converteron, ante todo e para sempre, en mulleres singulares.
Ás 12.00 horas celebrarase a lectura colectiva dun manifesto na praza de Galicia a cargo das asosiacións-organizacións Ambar, Amicos e Cruz Vermella, que rematará co acompañamento musical de Rut García. En caso de choiva realizarase no hall da Casa Consistorial.
