Este xoves 23 de febreiro volveron as sesións informativas e divulgativas das XVII Xornadas de Información Sociosanitaria de Outes. Fixérono coa conferencia Demografía e futuro da sociedade galega. Foi impartida por Antía Pérez-Caramés, profesora de Socioloxía na Universidade da Coruña e por Isidro Dubert García, profesor de Historia na Universidade de Santiago. A conferencia celebrouse no salón de actos da Casa da Cultura da Serra de Outes, baixo unha asistencia de mais de 50 persoas.
A coordinación correu a cargo do Dr. Xosé Mª Dios Diz, médico especialista de Atención Primaria de Outes.
Ao final do acto, o relatores foron agasallados con unha figura de artesanía feita polos usuarios de ADISBISMUR Valadares (Outes).
A vindeira conferencia desenvolverase o 30 de marzo de 2023, baixo o título Dende Outes: Dieta Atlántica, impartida por Flor Dios Villameá, mestrado en Medicina Naturista e terapeuta corporal, e celebrarase novamente na Casa da Cultura da Serra de Outes.
