O Concello de Dodro, a través do departamento de Servizos Sociais, organizou unha excursión veciñal destinada a degustar o cocido galego no concello de Rodeiro (Pontevedra). Celebrouse este sábado 11 de febreiro, dende as 9.00 horas e e até ao serán da dita xornada. A viaxe incluíu unha visita a unha das xoias arquitectónicas da nosa terra: o Mosteiro de Oseira. Alí as e os participantes na excursión puideron admirar os múltiples tesouros patrimoniais deste inmóbel de orixe medieval situado no concello ourensán de San Cristovo de Cea, un dos de meirande importancia económica, social e cultural de Galicia nos pasados séculos.
Tamén se incluíu unha parada en Rodeiro, onde as viaxeiras e viaxeiros puideron desfrutar dun cocido en Casa Sánchez.
A excursión foi organizada pola Concellería de Igualdade, Xuventude e Relacións Veciñais que dirixe Ana Muñiz.
Quen queira ver fotos da viaxe, foron habilitadas na Rede un bo feixe delas.
