A Casa da Cultura de Outes acolleu este xoves 26 de xaneiro unha nova conferencia de divulgación abeirada ás XVII Xornadas de Información Sociosanitaria e ás segundas Xornadas do Programa Universitario de Maiores en Outes (Cuarto Ciclo da USC), que se celebran entre outubro de 2022 e maio deste ano. O fío temático da sesión foi o tratamento dos medios de comunicación da cuestión sanitaria.
O relatorio veu da man de Marta Obelleiro Hermida, licenciada en Xornalismo pola USC e graduada en Educación Primaria, amais de directora do xornal Nós Diario. Asistiron á charla medio cento de persoas.
Ao final do acto, a relatora foi agasallada cunha figura de artesanía feita polos usuarios de ADISBISMUR Valadares (Outes).
O ciclo está a ser coordinado por Xosé Mª Dios Diz, médico especialista de Atención Primaria de Outes.
As xornadas veñen da man do Concello (Centro Social e Centro de Saúde), a Sociedade Galega de Xerontoloxía e Xeriatria, a USC, ADISBISMUR e a Asociación Cultural Terra de Outes.
A vindeira conferencia xirará arredor da Demografía e futuro da sociedade galega e será impartida por Antía Pérez-Caramés, profesora de Socioloxía da UDC e Isidro Dubert García, profesor de Historia na USC. Celebrarase novamente na Casa da Cultura da Serra de Outes.
