O Concello de Boiro está a desenvolver en Cabo de Cruz os traballos destinados a completar a urbanización da rúa Pesqueira. As actuacións forman parte do proxecto de urbanización das rúas Tenencia e Pesqueira que se executa co financiamento da Deputación da Coruña mediante o Plan Único Concellos (POS+2022) e que ascende a un total de 98.555,73 euros.
Esta semana comezaron as obras en Pesqueira, no núcleo de Cabo de Cruz, onde se está a executar a nova rede de recollida de pluviais e un novo pavimento de lastros (adoquíns) de granito e lousas de pedra. “Este proxecto busca a mellora de vías moi transitadas en núcleos de poboación importantes e do que se benefician moitos veciños e veciños” recoñeceu o alcalde, José Ramón Romero.
O proxecto completase coa urbanización da rúa Tenencia, no centro de Boiro, unhas obras que están xa moi avanzadas e onde se realizou a execución dunha nova rede de recollida de pluviais e agora se está a executar un novo pavimento de lastros de formigón e lousas de pedra para a regulación das rasantes e completar a urbanización da rúa.
