Mileth, a banda de metal galaico da Mariña lucense, obtivo en Boiro o primeiro Premio Narf

25 Novembro 2019

Finalmente deuse a coñecer esta finde a identidade da banda gañadora da edición undécima do Premio Narf da Deputación da Coruña, que celebrou a súa gran gala final no mellor dos espazos posíbeis: sala boirense A Pousada da Galicia Imaxinaria, que rexenta Suso Santamaría e que ostenta no seu nome unha homenaxe a Narf, precisamente (o músico de Silleda Fran Pérez falecido en 2016 logo de ter publicado un disco, o seu disco de despedida, chamado Baladas da Galiza Imaxinaria). Pois ben, a banda gañadora foi Mileth. O segundo premio foi para Costa Escura e o terceiro para Adhara&Ritman. Rabuda e Rebezo foron os outros dous grupos que chegaron ao final do certame.

A gala, que se celebrou na noite do venres ao sábado con actuacións ao vivo dos cinco ditos grupos, foi como dixemos o remate da décimo primeira edición do concurso para grupos e artistas musicais da Deputación da Coruña.

O xurado composto polos músicos Xurxo Souto, Marcos Payno e Su Garrido Pombo (gañadora da edición anterior) e a xefa de Servizo de Cultura da entidade provincial, Mercedes Fernández-Albalat como secretaria e o deputado de Cultura, Xurxo Couto, como presidente, destacou de Mileth “a súa forte aposta escénica ademais da instrumentalización, a singular fusión entre tradición e metal e a súa innovación no panorama musical actual”.

Mileth xurdiu na Mariña luguesa no ano 2009 e practica o que definen como Metal Pagán Galaico, unha mestura de metal, folk e música tradicional galega. No 2019 lanzan primeiro disco, Catro pregarias no albor da Lúa Morta, para o que contaron con colaboración de SondeSeu, Quempallou ou Rodrigo Romaní. A banda está composta por Cristian Bolaño, Jorge Fernández, Dana Lago, Elías Lamoso, Marcos Rodríguez, Jacobo Mouriño, Xurxo Fernández, Jorge Vilar e Adrián Moa.

O segundo premio do concurso foi para a banda Costa Escura, a formación que experimenta nos terreos do krautrock mentres que a banda Adhara&Ritman fíxose co terceiro premio coa súa aposta polas raíces folk galegas en mestizaxe con outros estilos puros de raíz como o blues, reggae, swing.

O grupo de Vigo, Rabuda, a cabalo entre o rock intimista, a psicodelia e o new wave, quedou en cuarto lugar mentres Rebezo, o proxecto da comarca de Compostela, fíxose co quinto premio das bandas finalistas que pasaron a primeira selección dun xurado que valorou a calidade e a variedade de propostas dos cinco grupos presentados.

O primeiro clasificado recibirá 3.000 € o segundo 2.000 € e unha xira dos dous producida pola Deputación da Coruña, o terceiro gañador terá un premio de 1.500 mentres que o cuarto e quinto será de 1.000 €.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.