Resulta evidente que o tan socorrido “brexit” está a obrigar á UE a tomar medidas que aumenten o control das pescas; pero tamén queda nídiamente claro que a Comisión Europea -en definitiva a Unión Europea- non está decidida, nen moito menos, a atender a demanda española de reducir as 87 áreas de pesca pechadas. O recurso de España diante dos tribunais europeos non vai facer, probablemente, que se reforme a resolución comunitaria que afecta a algúns dos segmentos de frota máis necesitados de pescar sen ter diante sí obstáculos como os citados e que significan impedir que se pesque no só nas 87 áreas xa coñecidas, senon que se está a barallar a posibilidade de que incremente este número.
En resposta indirecta a Unión Europea pon no mar un guardián, un protector e un sentinela dos océanos. Ou o que ven ser o mesmo: tres buques que prestarán os seus servizos durante os vindeiros seis anos, afortalando a capacidade operativa da Axencia Europea de Control da Pesca (EFCA) no seguemento, control e vixilancia das pesqueiras dacordo coa Política Pesqueira Común .
Os tres novos buques, presentados o pasado martes en Vigo -cidade na que, como é sabido radica a devandita Axencia- son o Ocean Guardian, o Ocean Protector e o Ocean Sentinel. Enarbolan pavillón portugués, pero terán a súa base na Cidade Olívica e asumirán a realización de operacións que van supor un troco de paradigma no control da pesca no ámbito comunitario. Estas novas unidades significan o pagamento á filial neerlandesa da británica Sentinel Marine de 90 millóns de euros nos vindeiros seis anos. Os buques, de 62 metros de eslora, son tamén embarcacións de salvamento e resposta ante emerxencias polivalentes que desenvolverán misións de seguridade e campañas de control no marco da acción conxunta coas axendas EMGA e FRONTEX .
As unidades, dúas delas construídas en 2018 e a terceira en 2020, supoñen un fito para a historia da EFCA, en palabras da titular da DG Mare , A. Vitcheva, quen manifestou asimesmo que o pulo que darán á capacidade operativa da EFCA reforzará á súa vez a capacidade de control e a eficiencia da pesca.
Dous destes tres buques terán destino fixo en augas do Atlántico e o Mediterráneo e o terceiro operará en misións itinerantes, comezando polo Mar Negro.
Un dos factores clave que incentivaron a contratación destes novos buques foi o novo reto que formula o brexit en materia de control pesqueiro en augas europeas. De aquí o reforzo no que atinxe a unidades. Estes barcos son a remuda dos “Lundy Sentinel·, fletado en 2017, e o “Aegis”, de 2017.
