Este luns 16 de xaneiro ás 9:45h deu comezo no centro de recursos da Asociación Ambar (Frións, Ribeira) a formación Operacións auxiliares de elaboración na industria alimentaria. Trátase dunha iniciativa profesional e laboral destinada a persoas con diversidade funcional menores de 30 anos, busca mellorar a súa empregabilidade e ten como obxectivos promover a sustentabilidade e a calidade no emprego e favorecer a mobilidade laboral. Ademais de reforzar as competencias profesionais das persoas novas non ocupadas e non integradas nos sistemas de educación e promoción.
Na presentación da formación interviñeron Raquel Riveiro, orientadora laboral da Asociación Ambar, Jaime Capilla, coordinador do proxecto; Helena Teira, coordinadora xeral da Asociación Ambar e Irene Paz, docente da formación.
A formación, totalmente gratuíta, busca promover a sustentabilidade e a calidade no emprego e favorecer a mobilidade laboral. Contará cunha fase teórica e outra práctica nun posto de traballo en empresa. Ademais, conta cunha bolsa de asistencia para todas as persoas participantes e servizo de transporte dispoñíbel.
Esta iniciativa de emprego é posíbel grazas ao financiamento da Fundación ONCE concedido na
convocatoria de axudas económicas Uno a Uno e enmárcase no Programa de Emprego Xuvenil do Fondo Social Europeo, O FSE inviste no teu futuro.
