Un total de 446 obras foron presentadas á cuarta edición do Concurso de Debuxo e Pintura para Escolares cuxa obra gañadora ilustrará o cartel de Nadal do Concello de Ribeira.
No día de hoxe, no Centro Cultural Lustres Rivas, reuniuse o xurado do certame para dirimir a obra gañadora. Estivo formado por Eugenia Gómez Vidal, Pilar Ageitos Fuentes, Fernando Yáñez González, Paco Casal Castro, persoas de recoñecida traxectoria no mundo da arte, e Juana Brión Santamaría, concelleira de Educación do Concello de Ribeira, actuando como secretaria Alicia Padín.
Tal e como recollen as bases do concurso, a decisión do xurado poñerase en coñecemento do centro de ensino da nena ou neno galardoado o 26 de novembro de 2019, e en acto público ao longo do mes de decembro.
