O Concello de Porto do Son, en colaboración coa Escola Galega de Saúde para Cidadáns –dependente da Consellería de Sanidade-, organiza unha actividade formativa para persoas que se dedican aos coidados doutras persoas e mellorar a súa calidade de vida. Trátase dun curso de balde para a mobilización de persoas dependentes e para a prevención de úlceras por presión. A acción formativa, de catro horas de duración, celebrarase o venres 10 de febreiro na Casa da Cultura de Porto do Son. As inscricións poden facerse a través da conta maria.santos.lemina@portodoson.gal (adxuntando a ficha). As prazas son limitadas e asignaranse por orde de inscrición.
Programa de contidos
-Coidados en dependentes: técnicas de mobilización de persoas con dificultade da mobilidade,
prevención de caídas, etc.
-Úlceras por presión: que son e por que xorden. Prevención.
-Cambios posturais.
-Adaptacións técnicas para o coidado das ulceras por presión.
-Etc.
A sesión correrá a cargo de Victor Iglesias Vigo, enfermeiro da Área sanitaria de Santiago . SERGAS.
