A casa consistorial de Ribeira acolleu este mediodía unha nova reunión da Mesa Local de Coordinación Interinstitucional Contra a Violencia de Xénero, que reúne a diferente axentes implicados no combate e erradicación desta lacra social.
Logo de efectuar un repaso das acción desenvoltas nos últimos meses cara á consecución destes obxectivos abordáronse novas propostas de actuación, entre as cales figura a idoneidade de afondar na vía da formación a través de accións enfocadas a diferentes colectivos e segmentos poboacionais.
Baixo a presidencia da tenente de alcalde do Concello María Sampedro, a mesa congregou a representantes da Policía Nacional, Policía Local, Centro de Información á Muller, Departamento de
Servizos Sociais, Unidade Asistencial a Drogodependencias, Colexio de Avogados e comunidade escolar.
