O Concello de Outes, a través do Centro de Información ás Mulleres (CIM), lanzou un convite a tódolos nenos e nenas do termo municipal, de idades comprendidas entre os tres (escolarizados) e os 12 anos, para participar no Campamento Tempo de Nadal, abeirado ao programa Outes Concilia, cuxo obxectivo é achegar actividades de lecer para a rapazada en canto rematan as clases, facilitando a actividade laboral das nais e dos pais.
O Campamento desenvolverase os días 23, 26 ,27, 28, 29, 30 de decembro e máis os días 2, 3, 4 e 5 de xaneiro, en horario de 8:00 a 16:00 horas, na Casa da Cultura de Outes.
As familias poderán facer uso do servizo en función das súas necesidades, permitindo a entrada e saída flexíbeis.
