A Área de Cultura do Concello de Rianxo compartiu a súa axenda para esta segunda fin de semana de decembro, un programa no que teñen cabida actividades organizadas polo Concello e tamén polas entidades culturais con presenza na comarca. Será un antesala da axenda de Nadal, que promete ser completa e diversa.
Haberá teatro (Os nenos da varíola de Pérez & Fernández), festas en Araño (Festas de Santa Baia), eventos de humor e diversión (Rianclown) e música coral.
Venres 9 de decembro
- 21.00 h – Sala Arcos Moldes do Auditorio de Rianxo. Teatro, Os nenos da varíola de Pérez & Fernández. Máis información.
Sábado 10 de decembro
- Festa de Santa Baia no Araño. Máis información
- A partir das 12.30 – Praza de Castelao. Acendido de Nadal, Rianclown organizado pola Asociación Virxe do Carme de Rianxo. Máis información
- 19.30 h – Sala Arcos Moldes do Auditorio de Rianxo. XVI Festival de Corais Arousa-Ulla. Máis información.
