A Asociación de Empresarios de Portosín (AEP) e a Comunidade de Montes de Goiáns uniron forzas un ano máis (logo das experiencias positivas do Nadal anterior) para traballar por unhas festas de Nadal máis ecolóxicas, sustentábeis e racionais. Froito desta colaboración farase unha replantación de todos os abetos naturais que adquira a veciñanza. A iniciativa Un Nadal máis sostible ten tamén un importante apoio en Agrícola Rodríguez, onde se poden mercar abetos naturais chamando ao teléfono 619 689 686. A xeito de remate, o día 8 de xaneiro ás 16:30 h, haberá unha quedada diante da igrexa Parroquial de San Sadurniño de Goiáns, para ir ata a parcela habilitada pola Comunidade de Montes e reforestar os abetos.
