A terceira edición do Circuíto de Golf Arousa Norte arranca esta fin de semana coa proba de apertura, a cal leva o nome de Concello da Pobra do Caramiñal. Así, os participantes poderán escoller entre o venres 15, sábado 16 e domingo 17 para disputar a primeira xornada dunha cita deportiva arraigada en toda a comarca do Barbanza e parte de Galicia.
Un evento agardado por moitos xogadores porque, a diferencia do resto de torneos, este decídese pola regularidade do xogo, sendo os gañadores finais os que máis puntos acaden en tres ou catro das probas do circuíto.
Ademais, está previsto que acudan xogadores de Boiro, Rianxo, Ribeira, A Pobra do Caramiñal, Santiago de Compostela, Ordes, A Coruña, Betanzos e Monforte de Lemos.
As probas disputaranse en fin de semanas alternas, sendo a última xornada o 14 de decembro, día no que tamén se coñecerán os campións, todo isto acompañado dun gran sorteo de regalos e unha degustación de viños.
