O humorista, actor e narrador Pepo Suevos vai visitar novamente a nosa comarca, concretamente este sábado 26 de novembro estará na Casa da Cultura de Portosín, a partir das 20.00 horas, para ofrecer o seu novo espectáculo. As entradas xa se poden adquirir na Casa da Cultura de Porto do Son, na Casa da Cultura de Portosín, na Confraría de Pescadores de San Andrés de Portosín e na Libraría Elisa (Portosín). O espectáculo vén da man do Concello do Son ao abeiro de Infinitamente natural.
José López-Suevos Otero, máis coñecido como Pepo Suevos, nado en Ferrol en 1971, é un actor galego. Comezou coma contacontos e desde entón ten participado nunha chea de longametraxes, así coma na maioría das series máis coñecidas da TVG e nalgúns programas de televisión. Conta con grande experiencia coma contacontos e cómico.
