Unha colisión por alcance entre dous turismos obrigou a cortar parcialmente o tráfico na autovía de Barbanza ao seu paso por Rianxo.
O accidente, segundo recolle La Voz de Galicia, produciuse preto das 16.00 horas no quilómetro 13 da AG-11, en dirección Ribeira, un tramo coñecido polas súas curvas á altura de Vilas.
Ao parecer, unha variación brusca de velocidade nun dos turismos ocasionou o choque. A colisión obrigou a cortar parcialmente o tráfico, que quedou limitado ao carril esquerdo da calzada.
