Dentro das actividades do 25N, o Concello de Rianxo vai organizar a proxección do documental Onde mais doe, de Xamalú Filmes e dirixido por Manane Rodríguez. Será o 1 de decembro ás 20.00 horas no Auditorio Municipal. Trátase dun audiovisual que afronta a cuestión da violencia vicaria e narra a historia dun home que tras ameazar durante anos a súa ex-parella, asasina a golpes cunha pa a seu fillo de 11 anos.
Un ano despois, un xurado popular condénao por homicidio e determina que o crime contra o menor non buscaba outra cousa que castigar á nai. No feito no que nos baseamos concorren a violencia, o acoso, o asasinato dun fillo para prexudicar á nai e a ameaza de morte que aínda se pende sobre a muller.
Posteriormente crearase un debate moderado por Lola Ferreiro, licenciada en medicina e cirurxía, que participa en diversas equipas de investigación no departamento de psiquiatría e é responsable da formación e a supervisión profesional de técnicas de saúde publica, de asesoras de educación e de mulleres en Galicia, Euskadi, Portugal, Arxentina e Portugal, entre outros.
