O Concello de Boiro vén de enviar un camión con máis dunha tonelada de tapóns ao centro loxístico de tapóns solidarios para destinar a causas solidarias. O concelleiro de Servicios Sociais e Medio Ambiente, Raúl Treus, supervisou o cargamento de material doado para a investigación da enfermidade de Dent.
Estes tapóns foron recollidos nos últimos meses nos diferentes puntos de recollida do termo municipal que se atopan en cada parroquia. “Comezamos instalando un colector en forma de corazón na praza do Concello e a demanda fixo que instalásemos un en cada parroquia”, afirmou o concelleiro de Servicios
Sociais.
A instalación destes colectores e a súa gran acollida demostra, no so a solidariedade dos boirenses cando se trata de involucrarse nunha boa causa, senón tamén a concienciación na reciclaxe á hora de separar os tapóns das botellas de plástico.
Este porte de tapóns está destinado á investigación da enfermidade de Dent, unha doenza rara que padece Hugo, un nenos de Brión.
Ribeira acolle en maio un curso de 16 horas de duración sobre elaboración de alimentos fermentados e agroecolóxicos
Ribeira vai acoller este mes de maio un curso de 16 horas de elaboración de alimentos fermentados con produtos agroecolóxicos, organizado polo Sindicato Labrego Galego e COAG os días 9, 16, 23 e 30 de maio (horario de 15:30h a 19:30h), no Mercado Municipal (av. do...