Dende o Concello de Ribeira queremos destacar o gran ambiente vivido esta fin de semana con motivo da celebración da segunda edición do Rallye Ribeira – Ría de Arousa, última proba do campionato galego.
Neste senso, non só a meirande parte de establecementos de hospedaxe estiveron ao cento por cento de ocupación, senón que a disputa da proba tamén redundou positivamente noutros moitos negocios comerciais e hostaleiros a pé de rúa.
Ademais, grazas á boa organización non se produxeron incidencias dignas de mención.
Por último, agradecemos o sacrificio de moita xente na convicción de que os beneficios reportados por esta competición deportiva de primeiro nivel compensaron o esforzo.
