A Concellería de Benestar Social, Igualdade e Diversidade do Concello de Rianxo, organiza catro obradoiros emocionais de autoaxuda e autocontrol sobre A rabia, como facer que sentila non me mago, impartidos por Baia Fernández.
Trátase, en palabras do Concello, de “obradoiros dinámicos, participativos e vivenciais onde se poderá explorar a través das tres vías de aprendizaxe: mental, emocional e física, buscando así a integración da emoción na súa versión máis funcional e sa”.
Celebraranse os xoves do mes de novembro, de 17:30 a 19:30, no Auditorio de Rianxo. Estas actividades están orientadas a persoas maiores de 16 anos. Para realizar a inscrición as persoas interesadas terán que poñerse en contacto con igualdade@concelloderianxo.gal ou os teléfonos 981860061-981972731. Tamén é posíbel enviar unha comunicación ao Whatsapp 604024012.
