Os resultados electorais deste 10 de novembro tamén variaron a composición do Senado respecto aos comicios celebrados o pasado 28 de abril, a pesar de que os cambios non son tan notables como sucede no Congreso. Así, dos 208 senadores a elixir, 92 correspóndenlle ao PSOE; 84 ao PP; 11 a ERC-Sobiranistes; 9 a EAJ-PNV; 3 a NA+; 3 a JxCat-Junts; 2 a Teruel Existe; 2 a Vox; 1 a ASG; e 1 a EH Bildu. En total, 24.190.917 votos contabilizados (69’55%), dos cales 559.823 foron nulos e 449.166 en branco. As abstencións situáronse en 10.589.496 (30’45%).
No que respecta aos municipios de Arousa Norte, constátase que os candidatos máis votados foron os do PP e PSOE. Nos catro concellos, os seis primeiros postos están ocupados polos representantes destas dúas formacións, aínda que en distinta orde. En canto a Boiro e Rianxo, a continuación aparecen BNG e Podemos-EU, mentres que na Pobra do Caramiñal esta posición prodúcese á inversa. Por outra banda, en Ribeira a lista continúa con BNG, Vox e Podemos-EU.
Ribeira
O total de votos contabilizados foron 12.739 (58’64%), dos cales 453 foron nulos e 378 en branco. Por outra banda, as abstencións situáronse en 8.986 (41’36%). Os candidatos do PP, Miguel Lorenzo Torres, Juan Manuel Juncal Rodríguez e Verónica María Casal Míguez foron os que obtiveron maior número de votos con 4.474, 4.287 e 4.139, respectivamente.
A Pobra do Caramiñal
Os votos contabilizados foron 5.258 (66,27%), dos cales 126 foron nulos e 120 en branco. Así, as abstencións situáronse en 2.676 (33’73%). Os socialistas Antonio Vázquez Lorenzo e Obdulia Taboadela Álvarez foron os que conseguiron máis votos con 1.577 e 1.509, respectivamente; seguidos do popular Miguel Lorenzo Torres, con 1.486.
Boiro
Os votos contabilizados foron 9.872 (63’69%), dos cales 354 foron nulos e 240 en branco. Ademais, as abstencións situáronse en 5.629 (36’31%). Os populares Miguel Lorenzo Torres, Juan Manuel Juncal Rodríguez e Verónica María Casal Míguez foron os que máis votos acadaron con 2.928, 2.781 e 2.740, respectivamente.
Rianxo
Os votos contabilizados foron 6.198 (65’70%), dos cales 214 foron nulos e 156 en branco; mentres que houbo 3.236 abstencións (34’30%). Antonio Vázquez Lorenzo, do PSOE, obtivo 1.725 votos; seguido do popular Miguel Lorenzo Torres, con 1.684; e da socialista Obdulia Taboadela Álvarez, con 1.662.
