O Servizo de Normalización Lingüística do Concello de Ribeira pon en marcha un curso de lingua galega dirixido ás persoas que se van presentar ás probas CELGA da Xunta de Galicia. O CELGA, para que non o saiba, é o sistema de certificación de lingua galega adaptado ao Marco europeo común de referencia para as linguas.
Este curso é gratuíto e en horario de tarde, de 19 a 21 h, e a condición única para asistir é ter máis de 16 anos. Desde este xoves 19 de outubro e ata o 1 de decembro estará en marcha a formación, e todas as persoas que teñan interese en asistir poderán inscribirse ata o 1 de novembro enviando un correo electrónico a normalizacion@ribeira.gal.
