O falecemento do que foi xefe da Policía Local de O Son durante máis de 30 anos, Alberto García Pouso, O Cameixo, causou un fondo pesar no concello onde era moi coñecido e querido.
García, que tiña 56 anos e vivía só, atopábase de baixa laboral dende hai dous meses por un esguince, pero tiña previsto reincorporarse nuns días. Foi o seu fisioterapeuta quen, ó non dar contactado con el avisou a un dos dous fillos de García, que se personou na casa e o atopou tendido na cama, sen vida, por causas naturais.
O alcalde, Luis Oujo, destacou o seu traballo e que era “era unha boa persoa e un policía que colaboraba en todo”.
Os seus restos mortais foron trasladados ata a igrexa de San Vicente de Noal, onde se oficiou o funeral e posteriorrmente foi soterrado no cemiterio parroquial. R.I.P.
