A Casa Museo de Manuel Antonio (Rianxo) vai organizar estes días un obradoiro de marcapáxinas, en colaboración coa Aula Activa do Mar. Celebrarase na mañá do sábado 1 de outubro no andar baixo do dito inmóbel, situado na rúa de Abaixo. A actividade está destinada a nenas e nenos de 5 a 12 anos, cunha duración aproximada de 45 minutos, á que se poderá acceder ao longo da mañá, entre as 10:30 e as 13:00 horas.
Dende a área de Cultura recomendan reservar praza.Para máis información e facer a inscrición pódese contactar por teléfono no 698148569 ou por correo-e aos seguintes enderezos: museodemanuelantonio@concelloderianxo.gal ou aulaactivadomar@concelloderianxo.gal .
