A xunta de goberno local de Ribeira dou luz verde á adquisición dunha parcela de 821 metros cadrados de superficie en Area Secada. Na referida parcela, que se sitúa ao borde do deslinde marítimo-terrestre, xusto no punto de interconexión entre os paseos do Touro e A Ameixida, atópanse unhas construcións en estado ruinoso que estiveron destinadas no seu momento a faenas relacionadas co mar. O que se pretende coa adquisición da devandita parcela por parte do Concello é completar o desenvolvemento desta zona litoral de tránsito e esparcemento e restaurar e conservar esas construcións vinculadas coa industria da conservación do peixe entre mediados do século XIX e mediados do século XIX, coa fin de poñer en valor así a historia da salgadura no municipio. O importe da compra, da que unicamente falta a formalización ante notario, ascende a 67.929 euros sufragados co remanente de tesourería.
