O Concello de Porto do Son, a través da área de Benestar Social, organiza este outono unha actividade que facilita recursos á poboación sénior do termo municipal que lles permitan mellorar a súa calidade de vida e gañar en autonomía e independencia. O Obradoiro de Memoria para Persoas Maiores comeza este mes de de outubro con horarios e espazos adaptábeis en función da demanda (de entrada desenvolverase no Son, en San Pedro de Muro, en Xuño e máis en Caamaño, en todos os casos en horario de mañá). Quen estea interesada e ou interesado en participar terá que chamar ao teléfono 981 86 74 14. Trátase dunha actividade para veciñas e veciños maiores de 55 anos. As prazas son limitadas.
