O Bloque Nacionalista Galego vén de pedir dende Palmeira, nun mitin no que participaron María Xosé Bravo, histórica do partido galeguista, e Xosé Antón Vázquez Covas, líder da agrupación en Ribeira, pechar filas arredor do Bloque e loitar deste xeito contra o voto fascista, “porque estamos a disputar un escano directamente con Vox”.
O Bloque Nacionalista Galego vén de pedir dende Palmeira, nun mitin no que participaron María Xosé Bravo, histórica do partido galeguista, e Xosé Antón Vázquez Covas, líder da agrupación en Ribeira, pechar filas arredor do Bloque e loitar deste xeito contra o voto fascista, “porque estamos a disputar un escano directamente con Vox”.
María Xosé Bravo, candidata número 2 ao Congreso, fixo un chamamento á mobilización de “todas as persoas que queren converter o 10N na oportunidade de que Galiza recupere a súa voz propia no Congreso da man do BNG” e poñer fin, engadiu, “á discriminación das forzas estatais”.
Asemade, aproveitou para pedir o voto “das persoas defraudadas con PSOE e Podemos, afirmando que o partido que representa é “garantía para a nosa terra e para a defensa dos dereitos”. Segundo engadiu, moitas persoas que apostaron polo PSOE ou por Podemos o 28A están hoxe en día “decepcionadas e cabreadas pola frivolidade coa que actuaron até volver a levarnos ás urnas”, salientou, poñendo o foco na necesidade de reorientar o voto: “A toda esa xente progresista e de esquerdas indecisa, que pensa na abstención pídolle que mude o seu lóxico cabreo a aposte por algo diferente: votar BNG, porque somos garantía na defensa de Galiza e tamén na defensa dos dereitos e liberdades, porque nós non fixemos parte do problema e si facemos parte a solución”.
