A Administración de Loterías Número 1, ubicada na Praza da Igrexa de Ribeira selou un boleto cun millón de euros no sorteo do euromillón do venres. Trátase dun premio que se adxudica mediante un código, que neste caso é o GQQ82770.
O posuidor do boleto con esta clave comparte a súa sorte cun xogador do Reino Unido, que foi o acertante dunha combinación formada polos números 7, 12, 13, 20 e 45 e polas estrelas 3 e 12, polo que recibirá 128 millóns.
Fundada en 1973, a Administración de Loterías Número 1 de Ribeira, que está situada na rúa Cristóbal Colón, está rexentada por Joaquín Valeiras e o seu fillo.
