A ribeirense María José Queiruga Santos, cuxo nome artístico é “Maby entre Girasoles” está a
expoñer dende o día de hoxe e ata o día 17 deste mes unha exposición titulada “A Reciclaxe”.
Trátase dunha mostra composta por unhas corenta obras elaboradas con materiais de refugallo, como táboas, pedras, piñas, corda, flores secas, cristais, etc… María José comentou que a idea desta
exposición xurdiu como unha terapia fai uns tres anos á raíz da visita a diversos museos primeiro en Madrid e despois en Zaragoza, onde descubriu novas formas de concibir a arte.
A mostra foi presentada pola concelleira de Cultura, María Sampedro, acompañada de edís municipais dos grupos socialista e do BNG.
Sampedro convidou á veciñanza a que non deixe de contemplar esta exposición no consistorio local.
