Este sábado 30 de xullo regresa o Festival Antrospinos ao Campo Maneiro con actividades en Taragoña durante toda a xornada. Trátase dun dos grandes eventos musicais da tempada estival na nosa comarca, que volve con forza neste contexto COVID cun programa de actuacións moi destacado (nesta orde, a partir das 20.00 horas, De La Cruz Show, Boroa, Familia Caamagno, The Lelli Kelly’s e Collón de Lola, finalizando a xeira musical un equipo de DJ. A festa comezará ao mediodía, ás 11.45, a bordo da goleta Evangelina, con porto en Rianxo, e coa vertente musical a cargo de Boroa. Logo será a sesión vermú e máis o xantar popular. Máis datos no Facebook da Asociación Antros Pinos, entidade organizadora. O festival conta coa colaboración do Concello de Rianxo.
