O Club Náutico Deportivo de Ribeira continúa co seu amplo programa de competición velística, neste caso da man dunha das grandes empresas galegas do sector da alimentación.
Coa celebración da XVI Regata Gadis, o próximo 16 de xullo, a cita do Barbanza supera os tres lustros de continuo apoio a unha cidade coa que GADISA sente identificada. Non en balde, no ano 1998, Ribeira albergou o primeiro Haley de Galicia, hai xa 24 anos, dos que os últimos 16 tiveron o seu gran protagonismo coa regata que patrocinan.
A biblioteca do Náutico de Riveira serviu de solemne e cultivado lugar da presentación da regata, un acto conducido polo presidente da entidade deportiva, José Luis Torres Colomer, e ao que asistiron o xerente responsábel da área de Santiago de Gadisa, Román Roo; o delegado de Gadis en Ribeira, Luis Vázquez; e os directivos do club, José Luis Lomba e Justo Arevalillo.
“Gadis é unha empresa que apoia ao sector galego cos seus produtos, un xesto que é moi importante para toda Galicia, agradecendo que siga promovendo esta regata e nunha cidade tan emblemática para a Gadis como Ribeira”, comentaba Torres Colomer.
Lomba comentaba os aspectos técnicos da regata, aclarando que “que todos os percorridos contemplados son unha de gran beleza paisaxística, escollendo o sábado 16 de xullo o comité da Regata Gadis o máis adecuado ás condicións meteorolóxicas”.
“Gustaríame felicitar á organización da regata polo gran traballo que están a realizar. Vai ser unha fin de semana de moita actividade, todo feito con moito gusto en beneficio dos deportistas que espero gocen dun gran día”, explicaba o xerente de Gadisa, Román Roo.
A competición, con saída prevista ás 14.00 horas do próximo sábado 16 de xullo, está destinada ás principais Divisións do ORC: Regata, Cruceiro/Regata e Cruceiro, cunha participación estimada en algo máis dunha vintena de embarcacións.
O comité contempla ata 18 percorridos alternativos, todos eles de trazado costeiro fóra dun barlovento-sotavento, é dicir, un circuíto entre boias de tan só 6 millas se o vento fose de escasa intensidade. Todos os demais numerais da ampla listaxe ofrecen unha distancia media de 12 millas, uns 22 km.
