Centos de veciños e veciñas de todas as idades participaron onte nunha nova edición do
Día da Bici, que regresaba ás rúas da cidade logo de dous anos sen poder celebrarse por mor da pandemia.
A iniciativa, organizada pola Concellería de Deportes que dirixe o edil Javier Sampedro, tiña un carácter lúdico-recreativa e contou coa Praza de España como epicentro da celebración, ao constituírse en
punto de saída e chegada dunha festa das dúas rodas que incluíu a celebración de sorteos de material entre os participantes.
Colaboraron na iniciativa o club Os Saltamontes e as tendas de bicicletas, Sportbike e Quincena, ademais de Policía Local, Protección Civil e Asociación de Veciños de Carreira.
