A Casa da Cultura de Portosín vai acoller este primeiro de xullo a presentación do libro Algo quedaba atrás, de Ángeles Málvarez Romero. Será ás 20.30 horas deste venres. Contarase coa presenza da propia autora acompañada de Juan Pouso, concelleiro de Cultura de Porto do Son, Pastor Rodríguez, coordinador da Asociación Cultural Barbantia, e Luis Oujo, alcalde de Porto do Son. A vertente musical do acto de presentación correrá a cargo da Escola de Música de Porto do Son. Organizan o Concello, a Asociación Cultural Barbantia e a Deputación da Coruña.
