O Concello compartiu os nomes das e dos artistas gañadoras/es na primeira edición do Concurso de Carteis do Orghullo de Rianxo. Así, tras reunirse o xurado cualificador do certame para ditaminar cal é a rapazada gañadora do concurso citado resolveuse que o primeiro premio fose para Sabela Rodríguez Iglesias, Miguel Otero Otero e Yago Villanustre Pérez, alumnos de quinto de Primaria do CEIP ADR Castelao de Rianxo.
O certame veu da man da Concellaría de Benestar Social, Igualdade e Diversidade organiza o I Concurso de Carteis Orghullo Rianxo, con motivo das actividades conmemorativas do 28 de xuño Día Internacional da Diversidade Sexual. O obxectivo foi fomentar a participación da rapazada e dos centros educativos do municipio locais na promoción da igualdade e a non discriminación das persoas con independencia da súa orientación sexual e identidade de xénero.
Puideron participar menores de idades comprendidas entre os 3 e os 17 anos de idade, de maneira individual ou colectiva.
O cartel gañador terá un premio dun lote de libros e será o cartel que se reproducirá oficialmente
dende o Concello para a difusión do Día do Orgullo.
