O Concello de Noia acolleu a semana pasada a presentación da primeira edición do Trofeo Portus Apostoli, segunda das tres probas que se celebran na nosa terra ao abeiro da Copa Galicia Estrada 2022, impulsada pola Federación de Ciclismo. Disputarase o domingo 12 de xuño, con saída e chegada na Alameda noiesa, onde estará emprazada unha pantalla xigante que permitirá ver esta importante proba deportiva en streaming.
Segundo se fixo saber na presentación, douscentos deportistas pedalearán un total de 84 quilómetros nun circuíto de 3 voltas pequenas e unha grande, que pasará polos concellos de Noia, Lousame e Rois.
O evento, que conta cunha manchea de colaboradores e, vén da man da Federación Galega de Ciclismo, Club Noela Master Team, o Concello de Noia e Orixinal.
