O Concello de Ribeira informou de que este sábado 4 de xuño comezan as saídas en catamarán á illa de Sálvora, con partida fixada para as 10.00h do porto de Ribeira (na rampla que está en fronte da oficina de Correos). As datas de saída en xuño serán os días 4, 18 e 25. En xullo e agosto as saídas serán os mércores e sábados pola mañá e pola tarde a ruta do Mexillón.
As características de cada unha das rutas foron presentadas este mércores 1 de xuño, en rolda de prensa, por parte do concelleiro de Turismo, Ramón Doval; acompañado da técnica deste departamento Irene Maneiro e de Ana Pérez en representación de Golfiño, a empresa local promotora desta actividade en colaboración con Cruceros do Ulla – Turimares.
Doval salientou que “o turismo náutico está crecendo de xeito exponencial” e que “a ría de Arousa é un dos lugares máis privilexiados para practicalo”, en tanto que Ana Pérez puxo en valor “os beneficios que este tipo de actividade entrañan para a hostalería e o comercio local”.
As saídas do mes de xuño serán as seguintes:
Días: 04, 18 e 25. Saídas á illa de Sálvora.
Embarque no Porto de Ribeira, no peirao de pasaxe.
Horario: De 10 a 14.30 horas.
Prezo:
Adultos: 25 €
Nenos/as de 3 a 12 anos: 10 €
Menores de 3 anos: Gratis.
O prezo inclúe:
Viaxe en catamarán de ida e volta á illa de Sálvora.
Guías acreditados do Parque Nacional Illas Altánticas.
Visita guiada á aldea de Sálvora e ao Faro.
Meses de xullo e agosto
Visita á illa de Sávora.
Saídas desde o porto de Ribeira todos os mércores e sábados.
Horario: de 10 a 14.30 h.
Prezo:
Adultos: 25 €
Nenos/as de 3 a 12 anos: 10 €
Menores de 3 anos: Gratis.
O prezo inclúe:
Viaxe en catamarán de ida e volta á illa de Sálvora.
Guías acreditados do Parque Nacional Illas Altánticas.
Visita guiada á aldea de Sálvora e ao Faro.
Ruta do Mexillón
Saídas desde o porto de Ribeira todos os mércores e sábados.
Horario: de 17.30 a 18.30 horas.
Prezo:
Adultos: 17 €
Nenos/as de 3 a 12 anos: 9 €
Menores de 3 anos: Gratis.
Inclúe: Ruta en catamarán pola ría de Arousa, visita guiada ás bateas e visión submarina das súas cordas de mexillón ou os fondos mariños da ría de Arousa e degustación a bordo de mexillóns ao vapor e viño da terra ou refresco.
Máis información e inscricións:
– Na caseta turística que Cruceiros do Ulla ten na avenida do Malecón en Ribeira (na nova estación de autobuses).
– Nas oficinas de Golfiño Xestión de Ocio. Lugar do Touro, nº 1 en Ribeira.
– No teléfono: 623 482 754
