Hoxe pola mañá, en Pasaia San Xoán (Guipúzcoa), o Club Remo Puebla participou con dous equipos: xuvenil feminino e infantil masculino.
Onte xa foron as regatas clasificatorias para a final derradeira de hoxe. Pero as xuvenís onte non foron quen de meterse na final A, aínda así quedaron 10ª clasificadas a nivel nacional. É un equipo con moito potencia por diante, xa que este mes de maio tamén remaran a liga de modalidade de traiñeiriñas e no verán a traiñeira da emblemática Liga LGT. Un proxecto liderado polo adestrador Iago Santos que ven a pisar forte e deixar claro que o sector do remo feminino na Pobra ven para quedar.
Por outra banda o equipo infantil masculino, liderado polo adestrador Andrés Fernández saíron hoxe na tanda de honra, e logo unha intensa loita de dous longo contra Arkote (Vizcaia) e La Planchada (Santander) os nosos entraron primeiro na liña de meta. Toda unha alegría para o club e o pobo enteiro.
Destacar que este é o terceiro campionato de España que gañamos nos últimos anos, todos eles adestrados por Andrés Fernández, e onde o seu fillo Víctor estivo presente nos tres equipos.
Somos ó único equipo barbanzán en conseguir un ouro. Tamén o único da zona norte de Galicia. E o único de toda Galicia no sector masculino. Compartimos ouro a nivel galego cas infantís de Robaleira e as absolutas de Chapela.
Adxuntamos un pdf con todos os tempos da final, e un link de decarga con fotos en boa calidade: https://we.tl/t-QWxZB5LkBJ
A actividade do Club Remo Puebla é imparable. Ao mesmo tempo esta mañá dende Cabo da Cruz competiamos co noso equipo veterano feminino, acadando o segundo posto na II BANDEIRA VETERANA RIANXEIRA – WE SEA. E no mesmo campo de regatas os nosos xuvenís masculinos primeiros na I REGATA LIGUIÑA DE TRAIÑEIRIÑAS CABO DA CRUZ.
