Até 163 deportistas tomarán este domingo primeiro de maio a saída na II Carreira Memorial Juan Vidal Pérez, ás 11 horas do Porto de Castiñeiras. A proba conta cun percorrido de 5 quilómetros e a meta estará situada na área Deportiva de Lecer do Castro.
Na carreira haberá 10 categorías dividas en franxas de idade e contará tamén coa categoría Sapatilla Inclusiva, na que correrán persoas con diversidade funcional.
Ao remate do evento deportivo está prevista a entrega dun premio ós tres primeiros clasificados de cada categoría. Tódolos cartos recadados coas inscricións e as doazóns irán destinadas á ANPA da Escola do Sagrado Corazón Jesús de Castiñeiras, centro que organiza a proba xunto co Concello de Ribeira.
O evento cumprirá con tódalas recomendacións establecidas para eventos deportivos no contexto da nova normalidade provocada pola COVID-19.
