Efectivos da Policía Nacional de Ribeira detiveron ao suposto autor da brutal agresión cometida nos pisos okupas da rúa Xosé Ramón Fernández Barreiro de Ribeira.
O individuo foi localizado tras revisar as gravacións de varias cámaras de seguridade da zona, cuxas imaxes permitiron a identificación do sospeitoso.
Os feitos que desencadearon o arresto e do que informamos en O Barbanza, ocorreron o sábado ao mediodía, cando un home duns 40 anos foi golpeado na cabeza cun obxecto contundente, o que lle provocou unha enorme brecha que motivou o seu traslado á unidade de coidados intensivos do CHUS onde permanece ingresado.
