O Congreso dos Deputados aprobou o Convenio 188 da Organización Internacional do Traballo (OIT) que xa asumen un total de 437 países dende o ano 2007. Este Convenio garante as condicións dignas de emprego e de vida a bordo dos buques pesqueiro.
Inclúe, amais, a loita contra a competencia desleal ou dumping social no sector pesqueiro e que, ata o de agora, somentes foi ratificado por unha vintena de países. O Pleno da Cámara Baixa, na votación realizada para a aprobación do Convenio Mundial sobre o traballo digno na pesca non rexistrou ningún voto en contra e 28 abstencións. Ven ser un paso máis para que España complete a súa aprobación definitiva do devandito Convenio. Este completa e unifica as diferentes normas internacionais do sector e promove o traballo “decente” no ámbito pesqueiro no que desenvolven na súa actividade laboral 38 millòns de persoas en todo o mundo, segundo datos do Ministerio de Traballo e Economía Social.
O obxectivo do convenio é fomentar a calidade do emprego nas frotas, e a súa aprobación implica que España se sume ós estándares laborais máis elevados para os pescadores.
Este convenio formula unha mellora das condicións de vida dos tripulantes dos barcos no que atinxe aos requisitos mínimos de traballo, contratación, condicións mínimas de aloxamento e alimentación, protección da seguridade, a saúde laboral e a atención médica. Ten tamén como fin facilitar a loita contra a trata das persoas e outros abusos, especialmente en buques con bandeira de países con sistemas de inspección con menor capacidade de actuación.
Entre a vintena de países que xa ratificaron o Convenio 188 figuran Angola, Argentina, Marrocos, Namibia, Noruega, Senegal, Sudáfrica, Tailandia, Reino Unido e, dentro da Unión Europea, nacións coma Francia, Dinamarca, Holanda, Panamá, Portugal, Letonia e Lituania .
O Congreso dos Deputados aprobou asemade as emendas realizadas en Roma en 2014 ao Convenio para o establecemento da Comisión Xeral de Pesca do Mediterráneo.
