20191010. O BNG ribeirense manifesta que se solidariza coas dúas vítimas que sufriron un ataque machista e un de violencia sexual, instando á sociedade a expresar a súa repulsa.
A membro do Consello Local, Cruz Rivadulla Márquez, apuntou que “expresamos todo o apoio e solidariedade do BNG coas vítimas e condenamos de violencias machistas, sexan físicas, psíquicas ou sexuais.” Rivadulla considera “urxente rexeitar socialmente os ataques e denunciar cando haxa algún tipo de signo violento ou agresión por mínima que sexa.” Neste senso, a nacionalista reclama máis protección, pois denuncia que “as mulleres están sendo agredidas só polo feito de seren mulleres.”
Por último o Bloque reivindica como “imprescindíbel” a educación e a sensibilización social para atallar a violencia contra as mulleres. Así, a formación sinala que se pon a disposición do Centro de Información á Muller (CIM) e do departamento de Servizos Sociais para “realizar todas as iniciativas e cambios legais necesarios sexan a nivel municipal, galego ou europeo para mellorar a loita contra a violencia machista.”
