Protesta en contra dos recortes no colexio pobrense EEI Fernández Varela

17 Xuño 2019
Cedida por proxenitores do EEI Fernández Varela

20190617. A entrada do EEI Fernández Varela, na Pobra do Caramiñal, foi escenario esta mañá dunha protesta para evitar que supriman outra unidade en educación infantil. A situación remóntase ao pasado ano cando se eliminaron tres prazas, pasando de dúas clases con 11 nenos e nenas cada unha, a unha única con 22 alumnos. Ana Otero Pérez, nai dun escolar, explicou que estes cambios nótanse na atención dos cativos, a pesar de que o profesorado fai todo o posible, pero “non é o mesmo.”

Tamén sinalou que fixeron un escrito que contou co apoio dos diferentes grupos políticos da corporación municipal, o cal foi remitido á Inspección Educativa, organismo dependente da Consellería de Educación, Universidade e Formación Profesional, cuxa resposta foi que se guían por táboas e que é a súa obriga se o centro educativo non chega a eses mínimos. Por iso os proxenitores, a directiva do centro e mais a ANPA loitan co obxectivo de reverter a situación.

Este venres manterán unha reunión con Indalecio Cabana, xefe territorial da Consellería na provincia de A Coruña, co propósito de trasladarlle as súas queixas e tentar buscar unha solución.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.